Afro 20 nxënës të komunitetit ashkali braktisin mësimin

Gjatë këtij viti shkollor rreth njëzet nxënës të komunitetit shkali e kanë braktisur procesin mësimor në shkollën fillore “Naim Frashëri” në fshatin Zaskok të Komunës së Ferizajt. Shumica e këtyre nxënësve janë në klasën e parë dhe në klasën e dytë, ndërkaq ka edhe nxënës të klasës së tetë dhe nëntë.

Ndërkohë, ekipi për parandalimin e braktisjeve i themeluar nga Drejtoria komunale e Arsimit në Ferizaj është duke bërë përpjekje për t’i kthyer fëmijët në shkollë, mirëpo deri tashti nuk është arritur ndonjë rezultat pozitiv. Raste të braktisjeve nga 2 deri 3 raste janë evidentuar edhe në disa shkolla të Ferizajt, shkruan sot Koha Ditoer.

Ismet Çerkini, drejtor në shkollën fillore “Naim Frashëri” në fshatin Zaskok të Komunës së Ferizajt ka thënë se kushtet e rënda ekonomike dhe mosvullneti i prindërve për t’i sjellë fëmijët në shkollë deri tashti e kanë braktisur mësimin gjithsejtë 20 nxënës të komunitetit ashkali.

(Më gjerësisht lexoni në Koha Ditore)