Kosovë

Vetëvendosje: Pushtetarët paguan drekat e fushatës me buxhet komunal

Vetëvendosje: Pushtetarët paguan drekat e fushatës me buxhet komunal

Shpenzimet e Komunës së Istogut në disa kode buxhetore gjatë vitit të kaluar kanë shkaktuar reagim të subjektit opozitar, Lëvizja Vetëvendosje (LVV). Kritikat e këtij subjekti opozitar përqendrohen në shpenzimet e komunës për dreka zyrtare, udhëtime e mëditje dhe shpenzime të telefonisë, të cilat shpenzime, sipas LVV-së, janë keqpërdorime të mëdha të parasë publike në këto kategori gjatë vitit 2018.

Agron Avdijaj, kryetar i LVV-së në Istog, njëherësh edhe këshilltar i këtij subjekti në Kuvendin Komunal, bazuar në raportin financiar të shpenzimeve të Komunës për vitin e kaluar, ka treguar se Komuna e Istogut gjatë vitit 2018 ka shpenzuar 45 mijë e 508 euro vetëm në kodin për dreka zyrtare.