Kosovë

MAPL-ja konfirmon ligjshmërinë e zgjedhjes së nënkryetares për komunitete në Prizren

 

Vendimi i Kuvendit të Komunës së Prizrenit për zgjedhjen e nënkryetares për komunitete ka marrë miratimin e Ministrisë së Administrimit të Pushtetit Lokal (MAPL). Kjo ministri përmes një shkrese zyrtare ka njoftuar drejtuesit e Komunës së Prizrenit se ky akt është në përputhje me legjislacionin në fuqi.

MAPL-i fillimisht ka sqaruar se ka pranuar për shqyrtim të detyrueshëm të ligjshmërisë vendimin për zgjedhjen e nënkryetares për komunitete të Komunës së Prizrenit, të miratuar me datën 27 dhjetor 2018, e i cili është parashtruar për shqyrtim në këtë ministri me datën 4 janar 2019, shkruan sot Koha Ditore.