Kosovë

Tetë familje të Istogut bëhen me shtëpi

Tetë familje të Istogut bëhen me shtëpi

Komuna e Istogut ka vazhduar edhe sivjet me programin e saj për ndërtimin e shtëpive për familje të pastreha, dhe nga dita e hënë tetë familje të pastreha dhe me kushte të vështira, nga një në tetë fshatra të Istogut, janë bërë me shtëpi të reja, që janë ndërtuar nga arka e Komunës së Istogut.

Një komision komunal paraprakisht kishte përzgjedhur si përfituese të shtëpive rastet më të ndjeshme, kurse për ndërtimin e shtëpive Komuna nuk ka pasur nevojë të sigurojë troje, pasi secila familje përfituese e ka pasur tokën e vet. Enver Rugova, drejtor për Shërbimeve Publike, Mbrojtje dhe Shpëtim, tregoi se këto shtëpi janë ndërtuar vetëm nga mjetet e të hyrave vetjake.