Kosovë

Opozitarët kundërshtojnë këmbimin e 7 hektarëve komunal me parcelë private në Pejë

Opozitarët kundërshtojnë këmbimin e 7 hektarëve komunal me parcelë private në Pejë

Është shqyrtuar të enjten, në takimin e rregullt dhe të fundit për Komitetin e Politikës dhe Financave, edhe propozimi i kryetarit të Komunës, Gazmend Muhaxheri, dhe Drejtorisë së Çështjeve Pronësore Juridike, këmbimi me interes publik i disa pronave komunale me ato private.

Ndër to pika më e nxehtë ishte shqyrtimi i kërkesës për miratimin e këmbimit të pronës komunale të Pejës me sipërfaqe prej 7 hektarë e 49 arë, që gjendet në Zonën Kadastrale Jabllanicë e Vogël me pronën private të pronarit Shaqir Demaj nga Peja në sipërfaqe prej 1 arësh, që gjendet buzë Lumëbardhit mbi qendër të qytetit, më qëllim të ndërtimit të rrugës për shtegun e ecjes për këmbësorët, buzë Lumëbardhit, shkruan sot Koha Ditore.