Rrugët e Gjilanit janë të hapura dhe të kalueshme

Rrugët e Gjilanit janë të hapura dhe të kalueshme

16 December 2018 16:13

Pas reshjeve të shumta të borës, Komuna e Gjilanit me operatorët ekonomik ka dalë menjëherë në terren për të hapur rrugët në qytet dhe në fshatra, bëhet e ditur përmes një komunikate për media.

Drejtori i Shërbimeve Publike, Naser Korça, ka konfirmuar se të gjitha rrugët në qytet dhe fshatra janë të hapura dhe të kalueshme, transmeton Koha.net.

“Që në orët e para të mëngjesit jemi në terren për të parë nga afër punimet nga ana e operatorit. Deri tani mund të konfirmoj se të gjitha rrugët janë të hapura. Madje, edhe në zonat problematike që kanë qenë gjithmonë, në Malësinë e Karadakut, në atë të Zhegocit dhe në fshatrat tjerë, rrugët janë të hapura pa problem për qytetarët”, ka thënë Korça.

Komuna njofton qytetarët që për çdo problem eventual mund të kontaktojnë numrat kujdestarë: +383 44 234 007 dhe +383 45 540 803 dhe ekipet komunale do t’u përgjigjen në kohë rekorde.

© KOHA. Të gjitha të drejtat janë të rezervuara.

Komentet

Shto koment

Të ngjashme