Skenderaj vendos për lokacionin e deponisë inerte Foto: KK Skenderaj

Skenderaj vendos për lokacionin e deponisë inerte

12 December 2018 15:41

Kuvendi Komunal i Skenderajt ka mbajtur seancë të jashtëzakonshme, në të cilën është diskutuar pika e vetme e rendit të ditës: propozim-vendimi për caktimin e lokacionit për deponi inerte, e propozuar në vendin e quajtur “Delli” në fshatin Çirez.

Kryetari i Komunës së Skenderajt, Bekim Jashari, ka thënë se komisioni i ekspertëve, pasi ka hulumtuar territorin e komunës për caktim të lokacionit, ka ardhur në përfundim se vendi i quajtur “Delli” është më i përshtatshmi për deponi.

Jashari ka siguruar se deponia e mbetjeve inerte nuk do të përbëjë rrezik për ndotje të ujit të pijes për ekonomitë familjare të fshatrave, apo ndonjë rrezik tjetër.

Ai ka thënë se pasi të mbyllen gropat në atë pjesë me mbetje inerte (material ndërtimor), Komuna e Skenderajt planifikon të mbjellë pisha.

Në fund të diskutimeve, Asambleja Komunale e ka votuar propozim-vendimin për caktim të lokacionit në fjalë për deponi inerte.​

© KOHA. Të gjitha të drejtat janë të rezervuara.

Komentet

Shto koment

Të ngjashme