Mbyllen hyrje-daljet ilegale në rrugën Gjilan-Bujanovc

Mbyllen hyrje-daljet ilegale në rrugën Gjilan-Bujanovc

 Fehim Azemi 04 dhjetor 2018 09:17

Drejtoria e Shërbimeve Publike në Komunën e Gjilanit ka vendosur që brenda kësaj jave do të mbyllen kyçjet anësore në rrugën me katër korsi Gjilan-Bujanovc, me qëllim që të ofrohet një siguri më e madhe në trafik.

Në këtë rrugë është paraparë të shtohen vendkalimet për këmbësorët. Drejtori i Shërbimeve Publike, Naser Korça, ka deklaruar se do të ketë riorganizim të rrugëve të tjera në qytet, duke përmendur edhe riorganizimin e rrugës në lagjen “Dardania”.

Sipas tij, punimet për ndërtimin e rreth rrotullimit në rrugën e Prishtinës tashmë kanë përfunduar dhe përveç kësaj do të ndërtohet një mbikalim në rrugën “Nëna Terezë”, me qëllim rritjen e sigurisë për këmbësorët pasi në atë rrugë kishte humbur jetën një fëmijë i moshës 10-vjeçare, e cila ishte goditur nga një automjet në lëvizje.

(Gjerësisht, sot në “Kohën Ditore”)

© KOHA. Të gjitha të drejtat janë të rezervuara.

Komentet

Shto koment

Të ngjashme