Arbëri

Limaj: Familjet si Jashari dhe Haradinaj janë meritore për pavarësinë e Kosovës

Lideri i NISMA-s Fatmir Limaj, së bashku me vëllanë e tij Demirin dhe deputetin e partisë së tij, Haxhi Shala, ka vizituar liderin e AAK-së, Ramush Haradinaj në Colmar të Francës.

Limaj në një postim në Facebook ka shkruar se “UÇK-ja dhe familjet simbol të rezistencës së popullit tonë, si familja Jashari dhe Haradinaj janë më meritoret për pavarësinë që gëzojmë ne sot”.

“Si gjithmonë, të palëkundur në mbrojtje të vlerës më sublime të kombit tonë, në mbrojtje të UÇK-së dhe në mbështetje të Ramushit”, ka shkruar Limaj.