Hendbollistët e grupmoshës U18 të Kosovës janë kualifikuar në Kampionatin Botëror që në këtë vit do të organizohet në Egjipt.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKosova U18 të dielën e fitoi “IHF Trophy Intercontinental” pasi në finale e mposhti përfaqësuesen e Nigerisë me rezultatin 34:30, pas vazhdimeve.
Ndeshjet e kësaj gare janë zhvilluar në Pallatin e Rinisë dhe Sporteve në Prishtinë.
Loja finale mes Kosovës e Nigerisë ishte shumë e fortë dhe dramatike.
Të dyja pjesët u mbyllën me rezultat të barabartë, 13:13.
Hendbollisti Mustapha Mohammed dështoi të realizonte pas ndërprerjes që e patën kur kishin mbetur edhe 40 sekonda lojë në kohën e rregullt, e rezultati ishte 26:25 në të mirë të nigerianëve. Tentimi i tij u bllokua nga Amar Muqolli.
Muqolli shënoi menjëherë në aksionin e radhës për 26:26 dhe ndeshja shkoi në vazhdime dy herë nga pesë minuta. Muqolli, që luan te Besa Famgas, u emërua si lojtari më i mirë i finales. Muqolli e mbylli ndeshjen me nëntë gola të realizuar nga 14 tentime.
Hendbollistët premtues të Kosovës fituan pas vazhdimeve 34:30, për të avancuar në Botëror.
Kontribut në fitore dha edhe Granit Kadiri që shënoi shtatë gola nga 10 tentime.
Nga katër gola i kishin Ilir Istrefaj dhe Erion Bajramaj.
Në portë me paraqitje shumë të mirë u shqua portieri Olt Kabashi që kishte 11 pritje.
Nigerisë nuk i ndihmuan shtatë golat e Christian Bolaji Folokit.
Kosova e nisi rrugëtimin me dy fitore në Grupin B. Fitoi 30:27 ndaj Nigerisë në ndeshjen e parë, ndërsa doli e para në grup pas fitores 36:15 ndaj Kaledonisë së Re.
Në gjysmëfinale fitoi ndaj Shteteve të Bashkuara të Amerikës 27:26, dhe në finale e mposhti sërish Nigerinë në një ndeshje shumë të luftuar.
Botërori organizohet në Egjipt prej 6 deri më 17 gusht të këtij viti.