Kastrioti i Ferizajt e ka fituar ndeshjen e parë finale të plejofit në hendboll.
Kastrioti e mposhti Rahovecin me rezultat 37:31.
Ndeshja e parë finale u zhvillua të mërkurën në palestrën "Bill Clinton", në praninë e afro 2000 shikuesve.
Kastriotit i duhen edhe dy fitore për t'u shpallur kampion. Ndeshja e dytë finale është të shtunën në Rahovec.
Jeton Bislimi i realizoi 8 gola për Kastriotin. Nga 6 i shënuan Festim Mustafa e Albin Ahlin. Si zakonisht, me shumë pritje u dallua Wadi Chebbi.
Egzon Gjuka i shënoi shtatë gola për Rahovecin. Nga pesë i realizuan Ardit Tafilaj, Mali Luzha e Guilherme Fernandes.
