-
Përktheu:
Vita Abrashi-Kajtazi
- 13 prill 2026 11:27
- Shpërndaje në:
Aktorja e njohur, Scarlett Johansson ka treguar se fillimi i viteve 2000 ishte një periudhë shumë e vështirë për vajzat e reja në Hollywood, duke theksuar se atëherë ishte “e pranueshme nga shoqëria” që aktoret të kritikoheshin ashpër për pamjen e tyre.
“Ishte e vështirë. Kishte shumë presion mbi mënyrën si dukeshin gratë. Ajo që ofrohej për gratë e moshës sime, sa i përket roleve apo mundësive, ishte shumë më e kufizuar se sa është sot”, ka thënë ajo në një intervistë për CBS Sunday Morning, ka raportuar Variety.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoIntervista e Johansson në CBS Sunday Morning:
Ylli i filmit “Lost in Translation” ka shtuar se sot, në vitin 2026, ka “shumë më tepër role fuqizuese” për vajzat e reja, krahasuar me kohën kur ajo ishte në të 20-at e saj.
“Shpesh të fusnin në një kategori të vetme dhe të ofronin gjithmonë të njëjtat role. Zakonisht ishte roli i ‘gruas tjetër’, ‘dashnores’, apo ‘bukuroshes joshëse’. Ky ishte modeli që dominonte në atë kohë”, ka thënë Johansson.
Aktorja ka treguar se një nga mënyrat për t’i shpëtuar këtij stereotipi ishte angazhimi në skenën teatrore në New York. Ajo gjithashtu, me kalimin e kohës, ka mësuar të presë për “rolin e duhur”, në vend që të pranonte çdo ofertë nga frika se mos humbte mundësitë.
“Është diçka që e mëson me kohë, por është e vështirë. Sapo fillon të punosh, ndihesh sikur çdo projekt mund të jetë i fundit dhe mendon se duhet të pranosh çdo ofertë që të vjen, edhe nëse nuk të sjell kënaqësi të vërtetë”, ka shpjeguar ajo.
Johansson ka shtuar se kjo ndjesi është e zakonshme për shumë aktorë.
“Çdo aktor ndihet kështu, sepse konkurrenca është shumë e madhe. Dhe kur je në qendër të vëmendjes, do ta mbash atë. Ky është instinkti i çdo aktori, sidomos i të rinjve”, ka thënë ajo.
Johansson ishte vetëm 17 vjeç kur mori famë ndërkombëtare me rolin e saj në filmin “Lost in Translation”, me regji të Sofia Coppola.
Në fillimet e karrierës së saj, ajo ka luajtur edhe në filma si “Match Point”, “The Prestige” dhe “Iron Man 2”, duke u bërë një nga emrat më të njohur të kinemasë botërore.