-
Përktheu:
Vita Abrashi-Kajtazi
- 31 mars 2026 11:38
- Shpërndaje në:
Aktorja e njohur Laura Dern pritet të luajë rolin kryesor në një seri të re televizive me episode të kufizuara, e cila do të trajtojë hetimin ndaj financierit amerikan, Jeffrey Epstein, ka raportuar Variety.
Seriali bazohet në librin “Perversion of Justice: The Jeffrey Epstein Story”, të gazetares Julie K. Brown. Dern do të interpretojë pikërisht Brownin, e cila me raportimet e saj për Miami Herald riktheu vëmendjen publike mbi krimet dhe trajtimin ligjor të Epsteinit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoProjekti, i cili po zhvillohet nga Sony Pictures Television, fokusohet në hetimin shumëvjeçar të Brown. Gjatë këtij procesi, ajo arriti të identifikojë 80 viktima, të bindë disa prej tyre të flasin publikisht dhe të zbulojë një marrëveshje sekrete mes Epsteinit dhe prokurorëve federalë.
Kjo punë hetimore çoi më pas në arrestimin e Epsteinit dhe bashkëpunëtores së tij, Ghislaine Maxwell.
Seriali përshkruhet si “një rrëfim shpërthyes për një gazetare investigative që zbulon një marrëveshje sekrete mes Epsteinit dhe prokurorëve federalë”.
Në përshkrimin zyrtar thuhet gjithashtu se duke u bazuar në përvojën e Brown si gazetare pioniere, libri dhe seriali ndjekin hetimin e saj këmbëngulës ndër vite, që identifikoi 80 viktima, bindi të mbijetuar kyç të flasin dhe çoi në arrestimet e Epsteinit dhe Ghislaine Maxwell.
Skenari i adaptimit është shkruar nga Sharon Hoffman, e cila do të jetë edhe producente ekzekutive dhe bashkë-drejtuese e projektit së bashku me Eileen Myers.
Edhe vetë Dern do të ketë rol producent, ndërsa projekti përfshin gjithashtu producentët Adam McKay dhe Kevin Messick.
Ky pritet të jetë seriali i parë artistik (i skenarizuar) që trajton rastin Epstein, i cili deri tani është eksploruar kryesisht përmes dokumentarëve.
Epstein ka drejtuar për vite një rrjet të trafikimit seksual, i cili përfshinte figura me ndikim dhe shkaktoi reagim të gjerë publik dhe ligjor.
Sa i përket karrierës së Dern, ajo ka një histori të gjatë suksesi në film dhe televizion.
Ajo ka marrë nëntë nominime për çmimet “Emmy”, duke fituar në vitin 2017 për rolin në serialin “Big Little Lies”. Gjithashtu ka fituar çmimin “Oscar” për rolin në filmin “Marriage Story” dhe ka luajtur në filma të njohur si “Jurassic Park” dhe “Star Wars: The Last Jedi”.