Aktori 53-vjeçar Josh Duhamel dhe bashkëshortja e tij Audra Mari janë shprehur të lumtur që kanë mirëpritur në jetë një vajzë të vogël, të cilën e kanë quajtur Rocca de Leon Duhamel. Ajo është bërë motra e djalit të tyre dyvjeçar Shepherd dhe e Axlit 12-vjeçar, djalit që Josh e ka me ish-bashkëshorten Fergie.
Çifti ndau një postim të përbashkët në Instagram me disa fotografi të foshnjës së sapolindur dhe shkruan thjesht: “Rocca de Leon Duhamel vajza jonë erdhi në jetë.”
Megjithëse nuk zbuluan datën e lindjes, një byzylyk spitalor që shihej në dorën e foshnjës në një nga fotot mbante datën 05/05/26.
Disa javë më parë, aktori i filmit “Transformers” kishte shprehur emocionet e tij për faktin që do të bëhej “baba i një vajze” për herë të parë.
“Nuk di çfarë të them. Jam thjesht shumë i emocionuar… mezi pres ta takoj. Dhe mendoj se ka diçka të veçantë mes baballarëve dhe vajzave të tyre të vogla. Është ndryshe, e kupton?”, ka thënë ai për “E! News”.
Josh së fundmi foli edhe për marrëdhënien e çiftit para martesës së tyre në vitin 2022, duke zbuluar se u takuan për herë të parë në një festë në shtëpinë e tij dhe se fillimisht ai kishte përjashtuar mundësinë e lidhjes për shkak të diferencës 21-vjeçare në moshë.
Edhe
Josh Duhamel dëshiron të ketë vajzë
“Bëmë një ndejë në shtëpinë time… Kishim qenë në kontakt sepse e dija që ishte nga North Dakota dhe kishte pasur shumë sukses në konkursin Miss USA. Madje nuk e ftova sepse doja të dilja me të, sepse sinqerisht ishte shumë e re për mua. Nuk po kërkoja diçka të tillë. Mendova: ‘Nuk do të jem ai tipi.’ Pastaj ajo erdhi te dera dhe unë mbeta pa fjalë. Ishte kaq e bukur. Por prapë i thosha vetes: ‘Jo, jo, jo.”, ka thënë ai.
Megjithatë, Josh ndryshoi mendim pasi pa mënyrën si Audra sillej me fëmijët gjatë festës, duke thënë se ajo i dukej “shumë e pastër shpirtërisht” dhe i kujtonte “shtëpinë”.
“Më kujtohet që kujdesej për fëmijët në festë, sigurohej që të kishin mjaftueshëm për të ngrënë, dhe mendova: kjo më kujton shtëpinë dhe llojin e vajzës me të cilën dua të jem. Kisha kaluar disa lidhje me vajza këtu në Los Angeles dhe nuk ishte e njëjta gjë. Ka diçka shumë të sinqertë dhe të ngrohtë tek ajo. Atëherë mendova: ‘Ndoshta nuk është shumë e re… Ndoshta unë jam ai tipi. Nuk e di.’”, ka shtuar ajo. “Tani kemi një fëmijë dyvjeçar… kemi tre vite të martuar dhe jemi bashkë prej rreth shtatë vitesh…”
