Artistja e mirënjohur transgjinore, Hunter Schafer, ka pranuar se ka qenë në lidhje me këngëtaren e famshme, me prejardhje spanjolle, Rosalia, raporton USA Today.
Në një intervistë për revistën GQ, Shafer ka treguar se në vitin 2019 ishte në lidhje me Rosalian për pesë muaj. Pas ndarjes ato u bënë shoqe të mira duke qëndruar pranë njëra-tjetrës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kam me të vërtetë një shoqëri të bukur me njerëz me të cilët kam qenë në lidhje romantike”, ka thënë aktorja duke shtuar se Rosalia është sikur të jetë anëtare e familjes, pavarësisht rrethanave.
“Ka pasur spekulime të shumta për kohë të gjatë” ka shtuar ajo, duke thënë se nuk do të duhej t’i interesonte askujt se a janë në lidhje apo jo, por megjithatë ajo ndjehet e lumtur që ndan këtë informacion tash dhe se edhe Rosalia sigurisht mendon të njëjtën gjë.
Rosalia ishte në lidhje romantike me yllin latin Rauw Alejandro, i cili dha lajmin se anuloi fejesën e tyre korrikun e kaluar.
Kurse Chafer, ka pranuar se më parë ishte në lidhje romantike me bashkëpunëtorin e saj nga projekti filmik “Euphoria”, Dominic Fike.