Palltoja “e egër” e Guccit po fiton vëmendje të madhe.
Shtëpia italiane e modës ka nxjerrë në treg një pallto me lesh të përpunuar me vija në formë trigri, e cila, me çmimin prej 48,000 dollarë, i ngjan më shumë një blerjeje të një veture luksoze sesa një veshjeje garderobe, dhe ajo është bërë shpejt veshja më e kërkuar nga të famshmit këtë sezon.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDua Lipa, 30 vjeç, është e fundit që e ka veshur modelin e dizajnuar nga Demna Gvasalia, duke parakaluar në rrugët e Parisit me të fejuarin e saj Callum Turner, e kombinuar me orën e saj Bulgari Serpenti.
Këngëtarja shqiptare e hitit “Houdini” ndau të shtunën një seri fotosh në Instagram nga një darkë në restorantin francez “Bistrot Des Tournelles”, së bashku me Turner dhe miq.
Por ajo nuk është e vetmja që është zhytur në këtë pamje këtë javë.
Ish-pjesëmarrësja e “Dancing With the Stars”, Alix Earle, e tregoi të njëjtën pallto të hënën, duke e stiluar si minifustan në një video në TikTok me mbishkrimin “Tiger king is here”.
Edhe këngëtarja e famshme Mariah Carey e veshi pallton e njëjtë në Aspen gjatë pushimeve të saj disajavore luksoze në dhjetor.
Këngëtarja e “All I Want for Christmas Is You” u pa e veshur me marka si Louis Vuitton, Fendi, Prada dhe Saint Laurent gjatë udhëtimit, por pamja “kokë e këmbë” nga Gucci vodhi vëmendjen, pasi Carey e kombinoi pallton me getat e markës të qëndisura me kristale GG në vlerë prej rreth 5,000 dollarësh më 29 dhjetor.
Para se të shfaqej në rrugë dhe në pistat e skive, palltoja bëri debutimin e saj në ekran. Ajo u shfaq për herë të parë te modelja Alex Consani në filmin e shkurtër të Gucci me titull “The Tiger”, i drejtuar nga Spike Jonze dhe Halina Reijn, i cili u shfaq premierë gjatë Milan Fashion Week në shtator.