-
Përktheu:
Vita Abrashi-Kajtazi
- 19 shtator 2025 08:45
- Shpërndaje në:
Prezantuesit të njohur, Jimmy Kimmel i është kërkuar të kërkojë falje dhe të bëjë një “donacion personal domethënës” për organizatën e aktivistit Charlie Kirk nëse dëshiron të rikthehet në transmetim.
Emisioni i tij televiziv u pezullua nga American Brodcasting Compani (ABC) pasi ai sugjeroi se Tyler Robinson, i akuzuari për vrasjen e Kirkut në një universitet në Utah, ishte i lidhur me lëvizjen “Make America Great Again”, e cila e përkrah presidnetin amerikan Donald Trump.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas revistës People, kompania “Sinclair”, që përfaqëson grupin më të madh të stacioneve lokale të lidhura me ABC në SHBA, ka deklaruar se “kundërshton komentet e fundit të bëra nga z. Kimmel lidhur me vrasjen e Charlie Kirk” dhe, pas diskutimeve me ABC, mori vendim të “pezullonte pa afat” programin “Jimmy Kimmel Live!”.
“Komentet e zotit Kimmel ishin të papërshtatshme dhe thellësisht të pandjeshme në një moment kritik për vendin tonë. Ne besojmë se transmetuesit kanë përgjegjësi të edukojnë dhe të nxisin dialog të respektueshëm e konstruktiv në komunitetet tona”, ka deklaruar Jason Smith, zëvendëskryetar i “Sinclaire”.
Ata kërkojnë gjithashtu që Kimmel të “bëj një kërkim falje direkte për familjen Kirk” dhe të bëjë “një donacion personal domethënës për familjen Kirk dhe ‘Turning Point USA’”, organizatë e themeluar nga Kirk që promovon politika konservatore në shkolla dhe universitete.
“Pavarësisht planeve të ABC-së për të ardhmen e programit, ne nuk do ta transmetojmë derisa të jemi të bindur se janë marrë hapat e duhur për të ruajtur standardet që priten nga një platformë kombëtare”, ka shtuar kompania
Stacionet e “Sinclair” në 30 tregje amerikane, do të transmetojnë një “program të posaçëm në kujtim të aktivistit të ndjerë politik” në orarin e emisionit “Jimmy Kimmel Live!” më 19 shtator 2025. Ky program do t’u ofrohet edhe stacioneve të tjera të lidhura me ABC-në.
Edhe kompania tjetër mediale “Nexstar”, më e madhja në SHBA për transmetime lokale dhe platforma digjitale, ka bërë të ditur se do ta zëvendësojë emisionin e Kimmelit.
“Nexstar kundërshton fuqimisht komentet e fundit të z. Kimmel për vrasjen e Charlie Kirk dhe do ta zëvendësojë programin e tij me përmbajtje të tjera në tregjet e lidhura me ABC-në”, ka deklaruar “Nextar”.
Presidenti i divizionit të transmetimeve në Nexstar, Andrew Alford, u shpreh se mbajtja e emisionit në ekran “nuk është në interesin publik në këtë moment”.