Shpërthim në një fabrikë të armëve në Serbi

Disa persona janë lënduar si pasojë e një shpërthimi që ndodhi në orët e hershme të së premtes në fabrikën ushtarake “Krusik” në qytetin e Valjevës, ka raportuar N1.

Të lënduarit tashmë janë liruar pas trajtimit mjekësor në emergjencën e spitalit të Valjevës.

Kompania “Krusik” ka lëshuar një njoftim sa i përket shpërthimit, duke thënë se gjatë operacioneve rutinore, një detonator përforcues u aktivizua, duke shkaktuar lëndime te një punonjësi në formë prerjesh. 

Sipas kompanisë lëndime të lehta kanë përjetuar edhe katër punonjës të tjerë. 

“Punëtorët e lënduar janë dërguar në spitalin e Valjevës për trajtim mjekësor”, thuhet në njoftim.