Notarja amerikane, Katie Ledecky, e ka fituar medaljen e tetë të artë në Lojëra Olimpike, ndërsa francezi Leon Marchand shkëlqeu po ashtu në “La Defense Arena” që ishte e stërmbushur dhe shumë e zhurmshme të mërkurën mbrëma.
27-vjeçarja Ledecky e vazhdoi dominimin e saj ndaj rivaleve në 1500 metra stil të lirë dhe vendosi rekord me kohën më të mirë olimpike po ashtu.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTani ajo dhe bashkëkombësja e saj, Jenny Thompson, janë notaret më të suksesshme në historinë e Lojërave Olimpike.
Ishte medalja e 12-të në total e Ledeckyt, aq sa ka edhe Thompsoni.
Ato kanë tetë medalje të arta olimpike, tri të argjendta dhe një të bronztë, të fituara prej vitit 1992 deri në vitin 2004.
Më herët, favoriti Marchand e fitoi medaljen e katërt të artë, ndërsa e siguroi titullin e dytë në Lojëra Olimpike në disiplinën 200 metra flutur.