Islam Selmani ka shkruar histori me kualifikim në finale të Kampionatit Botëror të karatesë. Dhe sot prej orës 10:00 e kërkon suksesin tjetër historik – titullin e botës.
Karateisti kosovar do të përballet me turkun Eray Shamdan për titull të botës në kategorinë deri 60 kilogramë. Ndaj turkut të njohur, medalist olimpik, Selmani ka fituar 3:1 në fazën grupore. Por finalja është finale dhe pritet luftë shumë e fortë.
Selmani ka shkëlqyer rrugës për në finale. Ndër të tjera e ka mposhtur karateistin e parë në ranglistën botërore, japonezin Hiromu Hasimoto.
Pas tri luftërave në fazën grupore, Islami e kaloi rumunin Erhan Tornaci (6:1), japonezin Hashimoto (6:3) dhe uzbekun Mekhriddin Turakhonov (9:1).