Një nga peshqit më të vegjël në botë bën tingull aq të lartë sa një e shtënë me armë

Një nga peshqit më të vegjël në botë, me gjerësinë e një thoi të një njeriu të rritur, mund të lëshojë tingull aq të lartë sa një e shtënë me armë, thonë shkencëtarët, shkruan The Guardian.

Danionella, një peshk rreth 12 mm i gjetur në rrjedhat e Birmanisë, prodhon tinguj që kalojnë 140 decibel, sipas studimit të botuar në revistën PNAS, të barabartë me një sirenë ambulance.

Mekanizmi i prodhimit të tingullit nga peshku, i cili ka trurin më të vogël të njohur nga çdo vertebror, kishte qenë mister pasi mekanizmat e muskujve të lidhur me fshikëzën e notit nuk jepnin shpjegim të besueshëm për origjinën e zërit.

Shkencëtarët në Universitetin Charite në Berlin kanë zbuluar se peshku ka sistem unik të prodhimit të tingullit.

“Të kuptuarit e kësaj përshtatjeje të jashtëzakonshme zgjeron njohuritë tona për lëvizjen e kafshëve dhe nxjerr në pah diversitetin e jashtëzakonshëm të mekanizmave shtytës nëpër specie, duke kontribuar në kuptimin tonë më të gjerë të biologjisë evolucionare dhe biomekanikës,” thuhet në dokument.

Ekipi i shkencëtarëve përdori video me shpejtësi të lartë për të hetuar mekanizmin e prodhimit të zërit.