-
Nga:
Alberina Haxhijaj
- 20 dhjetor 2019 09:50
- Shpërndaje në:
Gjatë këtij viti organizata “Anibar” në Pejë, “Lumbardhi” në Prizren dhe “7 Arte” në Mitrovicë kanë pasuruar qytetet në të cilat funksionojnë me dhjetëra ngjarje kulturore e artistike. Shfaqje filmash, net të muzikës, diskutime për kulturën, trashëgiminë, lexime e performanca vizuale i kanë bërë bashkë banorët e këtyre qyteteve duke ngjallur jetën kulturore në to.
Të enjten, këto tri organizata i kanë bërë një bilanc vitit të parë të iniciativës “Hapësirat Kulturore të Kosovës”, në një prezantim për media në “Shtëpinë e Evropës” në Prishtinë. “Hapësirat Kulturore të Kosovës”, është projekt që ka marrë si pikënisje ndërveprimin e organizatave kulturore dhe rrjeteve lokale joformale në Kosovë, shkruan sot “Koha Ditore”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoProjekti është i ndërtuar mbi përvojën e organizatave në aktivizëm qytetar, shfrytëzim të hapësirave publike, udhëheqje të proceseve të politikëbërjes, si dhe punës në formate me shumë hisendarës. I mundësuar me mbështetjen financiare të Bashkimit Evropian, projekti “Hapësirat Kulturore të Kosovës” implementohet nga “Anibar”, “Lumbardhi”, “7Arte” dhe “Pogon” nga Zagrebi.
Gjatë këtij viti organizatat e tri qyteteve të Kosovës kanë shfaqur 25 filma, 13 diskutime publike, 3 performanca muzikore, 2 net të poezisë, 2 sesione të leximit e diskutimit dhe një performancë vizuale.
Vullnet Sanaja nga organizata “Anibar” në Pejë ka thënë se iniciativa ka për qëllim që të promovojë modelin e partneritetin publiko-civil të qeverisjes së hapësirave dhe strukturës civile në komunat e Prizrenit, Pejës dhe Mitrovicës.
(Artikullin e plotë mund ta lexoni sot në “Koha Ditore”)