Një person në një lokal në Pejë, pas një mosmarrëveshje i ka kanosur të pranishmit ndërsa një prej tyre e ka sulmuar.
I dyshuari për këtë rast ka shtënë edhe me armë zjarri duke dëmtuar xhamat e lokalit. Ai është larguar nga vendi i ngjarjes ndërsa viktima ka pranuar tretman mjekësor.
“Raportohet se i dyshuari pas një mosmarrëveshje ka kanosur të pranishmit në lokal dhe ka sulmuar viktimën mashkull. I dyshuari poashtu ka shtënë me armë zjarri me ç’rast ka dëmtuar xhamat e lokalit dhe është larguar në drejtim të panjohur. Në vendin e ngjarjes është gjetur dhe konfiskuar një gëzhojë”, thuhet në raportin e Policisë së Kosovës.
Rasti është iniciuar si “Shkaktim i rrezikut të përgjithshëm, kanosje e lëndim trupor”.
