Një person është ndaluar nga Policia në Lipjan të shtunën, pasi dyshohet se ka sulmuar zyrtarët policorë.
Siç bëhet e ditur në raportin 24-orësh, Policia kishte tentuar ta ndalojë veturën pasi kishte informacione se nga e njëjta po shiteshin substanca narkotike.
“E njëjta veturë ka goditur veturën e Policisë dhe nuk është ndalur. Pas një kohe Policia ka arritur që ta ndalojë veturën e dyshuar të llojit Mercedes ngjyrë hiri me targa lokale në të cilën gjendeshin dy persona, Janë arrestuar dy personat që gjendeshin në veturë. Gjatë arrestimit të tyre, njëri nga zyrtarët policor ka pësuar lëndime të lehta trupore”, thuhet në njoftim.
Me vendim të Prokurorit pas intervistimit, njëri nga të arrestuarit në cilësi të dëshmitarit është liruar, ndërsa personi tjetër në cilësinë e të dyshuarit është dërguar në mbajtje për 48 orë.
-
Goditi me veturë automjetin zyrtar të Policisë, arrestohet i dyshuari në Gjakovë
-
Lëndoi dy zyrtarë policorë në Fushë-Kosovë, i dyshuari lirohet në procedurë të rregullt
-
Tentoi të ikte, përplaset me motoçikletën e zyrtarëve policorë në Prizren
-
Arrestohet i dyshuari për sulm ndaj zyrtarëve policorë në Deçan
-
Goditi motoçikletën me veturë, arrestohet i dyshuari për tentim vrasje në Klinë