Shtatë persona janë lënduar në një aksident trafiku në fshatin Vranidoll të Prishtinës.
Aksidenti ka ndodhur mes dy veturave, ndërkaq të gjithë të lënduarit kanë kërkuar ndihmë mjekësore.
Zëdhënësi i Policisë në rajonin e Prishtinës, Agron Borovci ka thënë se janë duke u ndërmarr veprimet e nevojshme për ndriçimin e shkaqeve që kanë sjell deri te aksidenti.
“Rreth orës 13:15, është raportuar për një aksident trafiku të ndodhur në fshatin Vranidoll të Prishtinës. Deri më tani bëhet e ditur se shtatë persona janë lënduar dhe kanë kërkuar ndihmën mjekësore , ndërkaq në aksident janë përfshirë dy vetura. Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti”, thuhet në përgjigjen e Borovcit.
