Prokuroria Themelore në Gjilan ka ndaluar një roje pylli, zyrtar në Agjencinë Pyjore të Kosovës, për keqpërdorim të pozitës.
Prokuroria në bashkëpunim me Policinë e Kosovës gjatë zbatimit të planit operativ “Gatishmëria” përmes vëzhgimit me dron, ka identifikuar zyrtarin që po tejkalonte kompetencat zyrtare.
Sipas njoftimit të Prokurorisë, S.H. ka tejkaluar kompetencat e tij zyrtare duke damkosur dhe lëshuar fletë përcjellje për masë drusore të sjella në mënyrë ilegale nga Serbia, për në fshatin Shahiq, Komuna e Kamenicës.
Pas pranimit të kallëzimit penal, Prokuroria Themelore në Gjilan, ndaj të pandehurit ka filluar hetimet si dhe ka paraqitur kërkesën për caktimin e paraburgimit pranë Gjykatës Themelore në Gjilan.
Artikuj të ngjashëm
-
Arrestohet një zyrtar i Agjencisë së Pyjeve për legalizim të kontrabandës me dru
-
Kontrabandim me mallra dhe falsifikim dokumenti në Svircë të Kamenicës
-
Arrestohet një zyrtar i Agjencisë Pyjore për keqpërdorim të pozitës
-
Ngrihen 18 parcela në Prizren, kërkohet paraburgim për të dyshuarin për keqpërdorim të pozitës
-
Penguan policinë në Kaçanik, dy të dyshuarve u gjenden dru pa dokumentacion në veturë