-
Nga:
Ermir Bujupaj
- 11 janar 2022 11:54
- Shpërndaje në:
Njërit prej tre të arrestuarve për vrasjen e trefishtë në Gllogjan të Deçanit i është zëvendësuar masa e paraburgimit në arrest shtëpiak. Lajmin për KOHËN e ka konfirmuar zëdhënësja e Gjykatës Themelore në Pejë, Tringa Zhuti, duke thënë se i dyshuari M.M. do të mbahet në arrest shtëpiak edhe për dy muaj të tjerë.
“I dyshuari M.M. është dërguar në arrest shtëpiak edhe për dy muaj të tjerë. Dy të tjerët do të vazhdojnë të mbahen në paraburgim”, ka thënë shkurtimisht ajo.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPasditen e 26 nëntorit, në Gllogjan ishin vrarë tre persona e një ishte plagosur pas të shtënave me armë në drejtim të autobusit. Autobusi që po bartte nxënës nga Gjakova për në Gllogjan ishte zënë në pritë siç thuhet nga një person, i cili kishte shtënë me kallashnikov në drejtim të automjetit. Të vdekur mbetën shoferi i autobusit, dhe dy nxënës të moshave 17 e 18-vjeçare.
Si të dyshuar ishin arrestuar më 11 dhjetor tre persona, H.M., K.M. dhe M.M, për veprat "vrasje e rëndë" dhe "mbajtje në pronësi, kontroll apo posedim të paautorizuar të armëve".
Një ditë pas, të dyshuarve u ishte caktuar masa e paraburgimit.