Policia në Ferizaj ka raportuar për dy raste të rënda të kundërvajtjeve në komunikacion, të cilat janë evidentuar gjatë së shtunës dhe të dielës nga Njësia e Komunikacionit Rrugor.
Sipas policisë, rasti i parë është regjistruar më 15 nëntor, rreth orës 16:25, në fshatin Sazli. Shoferi Z.N., 31 vjeç, u kap duke vozitur me 119 km/h në një zonë ku kufizimi i shpejtësisë është 50 km/h. Për këtë tejkalim të madh të shpejtësisë, atij iu shqiptua gjobë prej 300 eurosh, 3 pikë negative në patentë-shofer dhe masa e ndalimit të drejtimit të automjetit për tre muaj.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoRasti i dytë ndodhi të dielen, sipas Policisë, rreth orës 16:05 në rrugën “Driton Islami” në qytet. Shoferi 40-vjeçar, V.J., u kap në flagrancë duke përdorur telefonin gjatë ngasjes së automjetit. Gjatë kontrollit rezultoi se kjo ishte hera e tretë që ai kryente të njëjtën shkelje. Për këtë arsye, policia i shqiptoi gjobë prej 500 eurosh, 3 pikë negative dhe ndalim të patentës së shoferit për gjashtë muaj.
Policia u ka bërë thirrje pjesëmarrësve në trafik që të respektojnë shpejtësinë e lejuar dhe të mos përdorin telefonin gjatë ngasjes, duke theksuar se këto veprime rrisin ndjeshëm rrezikun për aksidente dhe mund të rrezikojnë jetën e tyre dhe të tjerëve.