Policia e Kosovës ka njoftuar se dy shtetas algjerian janë arratisur nga Qendra e Mbajtjes së Azilantëve në fshatin Vranidoll të Prishtinës.
Sipas njoftimit ata kanë ikur nga Qendra të enjten.
“Është raportuar se janë arratisur dy të dyshuar meshkuj shtetas algjerianë nga Qendra e Mbajtjes së Azilantëve. Lidhur me rastin është njoftuar prokurori, rasti po hetohet nga njësitet relevante policore”, thuhet në raportin 24-orësh të Policisë.
