Një person është arrestuar nën dyshimin për përfshirje në vrasjen e raportuar në Baicë të Lipjanit.
Zëdhënësja e Policisë për rajonin e Prishtinës, Flora Ahmeti, ka thënë për KOHËN se i dyshuari T.K., është arrestuar të martën e 12 gushtit.
“Si rrjedhojë e angazhimeve intensive hetimore, sot nga Njësiti i Hetimeve të Përgjithshme - Prishtinë, është arrestuar një person i dyshuar: – T. K, mashkull, shtetas i Republikës së Kosovës, për rastin vrasje që ka ndodhur në fshatin Baicë të Lipjanit”, ka thënë Ahmeti.
Ajo tutje ka thënë se aktualisht hetuesit po kryejnë procedurat e nevojshme policore, në koordinim me prokurorinë.
Policia pati raportuar se më 4 gusht ka gjetur një trup të pajetë të groposur në një arë të këtij fshati.
Më vonë u bë e ditur se viktima ishte Enver Bajraktari.