Një aksident trafiku ka ndodhur pasditen e të dielës në rrugën “Ulqini” në Mitrovicë, gjatë të cilit janë lënduar gjashtë persona.
Në aksident janë përfshirë dy vetura, ka njoftuar për KOHËN zëdhënësi i Policisë për rajonin e Mitrovicës, Avni Zahiti.
“Sot, rreth orës 16:40, në rrugën e ‘Ulqini’ në Mitrovicë, ka ndodhur një aksident trafiku me lëndime. Në aksident janë përfshirë dy vetura, ku si pasojë e aksidentit lëndime trupore kanë pësuar gjashtë persona. Të lënduarit janë dërguar për trajtim mjekësor”, ka njoftuar Zahiti.
