Ish-reprezentuesi i Zvicrës, Blerim Xhemaili, e ka kujtuar me nostalgji kohën që e kaloi te Napoli.
39-vjeçari Xhemaili ka luajtur për klubin e madh italian nga viti 2011 deri në vitin 2014. Ai ishte transferuar nga Parma për nëntë milionë euro.
Xhemaili për Napolin u paraqit në 109 ndeshje. Realizoi 18 gola dhe bëri dhjetë asistime.
Në një intervistë për “La Repubblica”, Xhemaili deklaroi se përvoja te Napoli është më e rëndësishmja në karrierën e tij.
“Kam veshur fanellën blu për tre vjet, në një nivel shumë të lartë. Kam luajtur në Ligën e Kampionëve. Kam qenë në stadiumin ‘Maradona’ për ndeshjen Napoli – Pisa dhe do të kthehem së shpejti. Ishte përvoja më e rëndësishme e karrierës sime. Unë dhe partnerja ime e duam këtë qytet. Zemrën time e kam lënë këtu”, u shpreh Xhemaili.
Ish-mesfushori është i angazhuar si ekspert i futbollit në televizionin zviceran “Blue Sport”.
Xhemaili i komenton ndeshjet e klubeve zvicerane në garat evropiane.
Ai ka karrierë të pasur si futbollist. Pos Napolit ka luajtur në skuadra si Torino, Parma, Galatasaray, Genoa, Bologna e Zurich.