Skandal i madh ka ndodhur në ndeshjen e Ligës së Evropës ndërmjet skuadrës Go Ahead Eagles dhe Stuttgartit.
Stuttgarti e fitoi ndeshjen 4:0, por një ngjarje e pazakontë ka ndodhur kur mesfushori i skuadrës gjermane, Angelo Stiller, u bullizua për pamjen e tij.
Victor Edvardsen, sulmuesi i skuadrës që e fitoi Kupën e Holandës, e bullizoi Stillerin për shkak të hundës.
Lojtarët e Stuttgartit të pakënaqur me gjestin e tij, filluan përplasje fizike me të.
Gjyqtari më pas shpërndau kartonë të verdhë për të dy futbollistët.
Edvardson nuk ka kërkuar falje për gjestin e tij.
“Nuk kam kërkuar falje dhe nuk e di nëse do ta bëj një gjë të tillë. Emocionet janë pjesë e futbollit. Nuk është lehtë të kërkosh falje, por edhe ai ka thënë fjalë të cilat ju nuk i dini. Ai do të duhej të më kërkonte falje mua”, ka thënë suedezi Edvardson.