Selektori i Kosovës, Franco Foda, ka publikuar të premten listën për ndeshjet e para kualifikuese për Kupën e Botës 2026 në futboll.
Kosova më 5 shtator luan në udhëtim ndaj Zvicrës, ndërsa më 8 shtator e pret Suedinë në “Fadil Vokrri”.
Foda ka ftuar për herë të parë Leon Avdullahun, që vendosi për Kosovën para Zvicrës. Është ftuar edhe Veldin Hoxha, që më herët kishte njoftuar se do të paraqitet për “Dardanët”.
Rashica nuk është në listën e Kosovës
Njëri prej lojtarëve më të rëndësishëm të Kosovës, Milot Rashica, nuk është në listë për ndeshjet me Zvicrën e Suedinë.
Rashica nuk është as në listën rezervë.
Nuk është ftuar as Bledian Krasniqi, që megjithatë është në listën rezervë, njëjtë si Donat Rrudhani.
Në listën rezervë janë edhe Faton Maloku, Leard Sadriu, Ron Raqi, Andi Hoti, Kreshnik Hajrizi, Ismet Lushaku, Behar Neziri, Kreshnik Krasniqi, Lirjon Abdullahu e Rilind Nivokazi.