Erion Sadriu i Ferizajt është shpallur futbollisti më i mirë i xhiros së 33-të të Superligës së Kosovës. Ndeshjet e kësaj xhiroje janë zhvilluar në mesjavë, ndërsa Sadriu u veçua për paraqitjen në barazimin 1:1 të Ferizajt me Llapin.
Ai e shënoi golin e Ferizajt.
“Ndeshja në ‘Zahir Pajaziti’ ishte shumë e vështirë, me shumë duele dhe luftë, sepse secila nga dy ekipet i dëshironte pikët e plota. Ishte një ndeshje e mirë. Po të ishte në dorën time, secilit lojtar të FC Ferizaj do t’ia jepja çmimin ‘Ylli i Javës’, pasi kemi performuar shumë mirë”, ka thënë Sadriu.
