Fituesja në fuqi e Kupës së Kosovës dhe liderja aktuale e elitës së futbollit kosovar, Prishtina, ka njoftuar për vazhdimin e kontratës edhe për dy edicione me qendërmbrojtësin Philippe Boueye.
Francezi Boueye iu bashkua Prishtinës në verën e vitit të kaluar, ndërsa ka zhvilluar 34 ndeshje në të gjitha garat për “bardhekaltrit”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“22-vjeçari Boueye tashmë ka arritur të fitojë përvojë të vlefshme dhe është gjithashtu pjesë e përfaqësueses së Nigerit, ku ka grumbullime të rregullta me ekipin kombëtar. Drejtuesit e klubit e kanë vlerësuar lartë profesionalizmin dhe përkushtimin e tij, ndërsa vazhdimi i kontratës është vlerësuar si një hap i rëndësishëm për vazhdimësinë dhe stabilitetin e ekipit”, ka shkruar Prishtina të mërkurën.
Prishtina pas 12 ndeshjeve është e para në Superligë me 26 pikë, tri më shumë se Ballkani i dyti, dhe gjashtë më shumë se kampionia, Drita.