Prishtina e Re për herë të parë në histori të klubit është inkuadruar në Superligën e Kosovës në futboll.
Prishtina e Re është shpallur kampione e Grupit B të Ligës së Parë. Prishtina e Re të shtunën e siguroi titullin pas fitores ndaj Kikës.
Prishtina e Re e mposhti Kikën me rezultatin 3:1 në kuadër të xhiros së fundit të kampionatit. Në fitoren e Prishtinës së Re dy gola i realizoi Astrit Berisha kurse një e shënoi Abdoul Razack.
Prishtina e Re kampionatin e përfundon në pozitën e parë me 69 pikë.
Vendi i parë dërgon direkt në Superligë kurse pozita e dytë dërgon në barazhin e Ligës së Parë. Në vendin e dytë ka përfunduar Vushtrria që ka 67 pikë.
