Ernest Muçi ka shënuar supergol për Trabzonsporin që të shtunën e mposhti Konyasporin në shtëpi me rezultatin, 3:1.
Ndeshja i takoi xhiros së 14-të të Superligës së Turqisë në futboll.
Muçi është duke kaluar formë shumë të mirë te Trabzoni.
Sulmuesi i Kombëtares së Shqipërisë, Muçi, realizoi gol të bukur nga goditja e dënimit në minutën e 56-të. Ai u paraqit deri në minutën e 85-të.
Muçi edhe xhiron e kaluar shënoi dy gola në përballjen ndaj Bashakshehirit.
24-vjeçari Muçi në total këtë edicion në 16 paraqitje në të gjitha garat ka kontribuar me tri gola dhe një asistim.
Te Konyaspori deri në minutën e 57-të luajti Enis Bardhi.
Trabzoni ka 31 pikë dhe e zë vendin e tretë. Konyaspori renditet në pozitën e 11-të me 15 pikë.
🔴🔵 Ernest Muçi'den akıl dolu bir serbest vuruş golü!#TSvKNY #beINSPORTS pic.twitter.com/ex3gy9y247