Futboll

Milani shënon fitoren e parë, mposht Leccen

milan

Skuadra e Milanit e ka shënuar fitoren e parë këtë edicion në Serie A. 

Milani të premten mbrëma fitoi 2:0 ndaj Lecces në kuadër të xhiros së dytë të kampionatit italian të futbollit. 

Milani në ndeshjen hapëse të sezonit të ri u mposht nga Cremonese me rezultatin 2:1. 

Për 1:0 realizoi Ruben Loftus-Cheek në minutën e 66-të. Ai u asistua nga Luka Modriqi. 

Golin përfundimtar e shënoi Christian Pulishiq në minutën e 86-të. 

“Kuqezinjve” iu anuluan edhe dy gola. Fillimisht në minutën e katërt iu anulua goli mbrojtësit Matteo Gabbia për shkak të një faulli. 

Ndërsa në minutën e 60-të iu anulua goli edhe sulmuesit Santiago Gimenez për shkak të pozitës jashtë loje. 

Te Lecce deri në minutën e 82-të u paraqit Ylber Ramadani kurse Medon Berisha në lojë u inkuadrua në minutën e 63-të. 

Te Milani mungoi Ardon Jashari për shkak të lëndimit.