Skuadra e Milanit e ka fituar derbin ndaj Lazios me rezultatin, 1:0.
Ndeshja Milan – Lazio e cila u zhvillua të shtunën i takoi xhiros së 13-të të Serie A.
Milani me këtë fitore është ngritur përkohësisht në pozitën e parë me 28 pikë.
Roma e zë vendin e dytë me një pikë më pak, por e ka edhe një ndeshje më pak të luajtur.
“Kuqezinjtë” golin e fitores e shënuan në minutën e 51-të. Realizatori i golit ishte Rafael Leao.
Ndeshja u përcoll me shumë dramë në fund. Gjyqtarit kryesor iu deshën disa minuta në kohën shtesë për të vendosur mbi një dyshim nëse duhej dhënë penallti për Milanin apo jo. Pati tensione e edhe trajneri i Milanit, Massimiliano Allegri u ndëshkua me të kuq. Në fund s’pati penallti dhe Milani fitoi.
Milani nuk di për humbje në 13 ndeshjet e fundit. Ka nëntë fitore dhe katër barazime.
Te Milani në stol ishte Ardon Jashari. Ndërsa te Lazio për shkak të lëndimit mungoi Elseid Hysaj.
Lazio ka 18 pikë në vendin e tetë.