Veldin Hoxha ka kontribuar me një asistim të dielën në barazimin e skuadrës së Rubin Kazanit.
Rubin Kazani barazoi 2:2 në shtëpi me skuadrën Pari NN, në kuadër të javës së 30-të të elitës së futbollit rus.
Mesfushori i Kosovës asistimin e bëri te goli për 1:0 të cilin e shënoi Ruslan Bezrukov në minutën e 15-të.
Hoxha luajti deri në minutën e 81-të. Deri në minutën e 81-të u paraqit edhe Mirlind Daku që u zëvendësua me Dardan Shabanhaxhajn.
Për 23-vjeçarin Hoxha ishte asistimi i parë këtë edicion, krahas tri golave.
