Gjilani ka njoftuar të mërkurën se e ka përforcuar skuadrën me futbollistin Mehdi Çobaj.
Skuadra gjilanase ka shkruar se ai ka nënshkruar kontratë deri në vitin 2027.
Çobaj është transferuar nga Vllaznia e Shkodrës, ndërsa me këtë skuadër ka dy trofe të fituar.
“25-vjeçari i cili luan në pozitën e sulmuesit të krahut ka qenë gjithashtu edhe reprezentues i Kombëtares shqiptare në moshat e 21-vjeçarëve. Çoba është mirëpritur nga drejtori gjeneral i klubit, Syart Rrahmani, i cili i ka uruar mirëseardhje dhe shumë suksese”, ka shkruar Gjilani të mërkurën.
Çobaj do t’i bashkohet pjesës tjetër të ekipit më 1 korrik në fazën përgatitore, që nis në Gjilan.
