Aston Villa do të ketë ndeshje shumë të vështirë në “Stamford Bridge” ndaj Chelseat të shtunën.
Ndeshja i takon Premier Leagues, ku gara për titull është shumë e fortë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoChelsea – Aston Villa luhet të shtunën nga ora 18:30.
Aston Villa e trajnerit Unai Emery është e treta me 36 pikë, ndërsa Chelsea e Liverpooli në vendin e katërt e të pestë kanë nga 29 pikë.
Villa ka dhjetë fitore rresht në të gjitha garat. Është hera e parë që e arrin një sukses të tillë që prej vitit 1994. Lojtari më në formë aktualisht te Villa është Morgan Rogers, që ka qenë i përfshirë në 11 gola në 15 ndeshjet e fundit.
Lider është Arsenali me 39 pikë, dy më shumë se Manchester City.
Për të mbetur në krye të tabelës, “topçinjtë” duhet ta mposhtin Brightonin të shtunën nga ora 16:00, ndërsa City i Pep Guardiolës në formë të lartë, luan në udhëtim te Nottingham Foresti, po të shtunën nga ora 13:30.
Liverpooli, që së fundmi është goditur me lëndimin e Alexander Isakut, do të luajë të shtunën nga ora 16:00 me Wolverhamptonin, skuadrën e vendit të fundit në tabelë. Wolvesi është skuadra më e dobët me vetëm dy pikë.
Liverpoolit për një kohë do t’i mungojë edhe sulmuesi Mohamed Salah, që është i angazhuar në Kupën e Kombeve të Afrikës me Egjiptin.
Këto ndeshje i takojnë xhiros së 18-të të elitës së futbollit anglez.