Chelsea e ka mposhtur Real Betisin të mërkurën mbrëma në finalen e Ligës së Konferencës dhe ka shkruar historinë.
Skuadra e madhe angleze fitoi përballë asaj spanjolle me rezultatin 4:1 dhe është bërë ekipi i parë evropian që triumfon në pesë garat madhore të organizuara nga UEFA.
Chelsea tani ka të fituar dy Liga të Kampionëve, dy Liga të Evropës, dy Superkupa të Evropës dhe dy herë ka triumfuar në Kupën e fituesve të Kupave.
Abde Ezzalzouli shënoi për Real Betisin në minutën e nëntë.
Pjesa e parë u mbyll me këtë rezultat, ndonëse spanjollët kishin edhe disa mundësi tjera shënimi.
Rikthimi i Chelseat u bë në pjesën e dytë, falë edhe zëvendësimeve të trajnerit Enzo Maresca.
Enzo Fernandez i barazoi shifrat në minutën e 65-të, ndërsa Nicolas Jackson realizoi pesë minuta më vonë për 2:1.
Në të dyja golat, asistues ishte Cole Palmer.
Për 3:1 realizoi zëvendësuesi Jadon Sancho, shtatë minuta para fundit, kurse golin e fundit e shwnoi mesfushori Moises Caicedo.
Finalja u luajt në “Wroclaw Stadium” në Poloni.
Edhe për Premier Leaguen ishte sezon historik. Pesë klube të ndryshme fituan trofe.
Liverpooli e fitoi Premier Leaguen, Crystal Palace e fitoi Kupën FA. Kupën e Ligës e fitoi NeWcastle Unitedi, ndërsa Tottenhami triumfoi në Ligën e Evropës.
Për Real Betisin ishte finalja e parë evropiane, por e pasuksesshme.
Chelsea ka dominuar në gjithë edicionin.
Aventurën në këtë garë e ka bërë pas vizitave në Kazakistan, Zvicër, Greqi, Gjermani, Danimarkë e Suedi, ndërsa në Poloni ishte udhëtimi i dytë i këtij sezoni.
Dhe trofeun e Ligës së Evropës do ta marrë me vete në Londër.
Caicedo vulos triumfin e Chelseat
Mesfushori Moises Caicedo ka realizuar për Chelsean në minutën e parë të shtesës për rezultatin 4:1.
Ishte edhe goli që vendosi fituesin e finales së Ligës së Konferencës.
Sancho realizon supergol, Chelsea afër triumfit
Jadon Sancho ka shënuar supergol për 3:1 në të mirë të Chelseat në minutën e 83-të.
Sancho realizoi me goditje të saktë nga zona.
Tjetër gol nga Chelsea
Për pesë minuta, Chelsea ka shënuar dy gola në finale ndaj Real Betisit.
Nicolas Jackson e shënoi golin për 2:1, në minutën e 70-të. Ne të dyja golat, asistues ishte Cole Palmer.
🚨GOAL | Chelsea 2-1 Real Betis | Nicolas Jackson ⚽
NICOLAS JACKSON HAS GIVEN CHELSEA THE LEAD !!!!!!!!!!!!!!!!!!!!!!!!! COLE PALMER WITH THE ASSIST AGAIN !!!!!!!!!!!!!!!!!!!!!!!! pic.twitter.com/nHOK7ZoDVo— FÚTBOL HUB 𝕏 (@futbolhub7) May 28, 2025
Chelsea barazon rezultatin
Pas presionit të madh në pjesën e dytë, Chelsea ka arritur ta barazojë rezultatin.
Mesfushori Enzo Fernandez, shënoi me goditje të saktë me kokë për 1:1.
Argjentinasi realizoi në minutën e 65-të.
🚨🏆 GOAL | Chelsea 1-1 Real Betis | Enzo Fernandez pic.twitter.com/bVe1KbD8dg
— Football News 247 (@FOOt_TV_) May 28, 2025
Chelsea rrit ritmin e lojës, kërkon golin e barazimit
Chelsea ka rritur ritmin e lojës në fillimin e pjesës së dytë dhe është në kërkim të golit të barazimit ndaj Real Betisit.
Por edhe pas një ore lojë, rezultati mbetet i pandryshuar.
Betisi është duke fituar 1:0.
Betisi i afrohet trofeut të parë evropian
Real Betisi i është afruar fitimit të trofeut të parë evropian.
Pas pjesës së parë në finale të Ligës së Konferencës është duke udhëhequr 1:0 ndaj Chelseat.
Abde Ezzalzouli e shënoi golin e vetëm në pjesën e parë në minutën e nëntë.
Finalja po luhet në Wroclaw të Polonisë.
Chelsea shpëton pa e pranuar golin e dytë
Chelsea ka shpëtuar pa e pranuar golin e dytë, në dy raste të mira që i pati Real Betisi.
Fillimisht, në minutën e 13-të, mbrojtësi Marc Bartra gjuajti fuqishëm , por ka qenë reagimi i shkëlqyer i portierit të Chelseat, Filip Jorgensen, që nuk lejoi të mposhtej.
Më pas në minutën e 21-të, edhe Johnny Cardoso ishte në pozitë të mirë për të realizuar. Megjithatë, tentimi i tij përfundoi mbi portë.
Rezultati pas 23 minutave është 1:0 në të mirë të skuadrës spanjolle.
Befasi në Poloni, Betisi në epërsi ndaj Chelseat
Real Betisi ka kaluar në epërsi ndaj Chelseat në minutën e nëntë, në finale të Ligës së Konferencës.
Për skuadrën spanjolle shënoi marokeni Abde Ezzalzouli.
Ai realizoi me gjuajtje të fuqishme nga zona
Formacionet zyrtare të finales Real Betis – Chelsea
Nga ora 21:00 në “Stadion Wroclaw” të Wroclawit në Poloni nis finalja e Ligës së Konferencës.
Kjo do të jetë përballja e tretë zyrtare mes Chelseat dhe Betisit.
Chelsea i Jose Mourinhos në edicionin 2005-06 në fazën grupore të Championsit kishte fituar 4:0 në “Stamford Bridge”. Golat i kishin shënuar Didier Drogba, Ricardo Carvalho, Joe Cole dhe Hernan Crespo.
Dy javë më vonë, Betisi që luante në kampanjën e vetme të Championsit, kishte fituar ndaj “bluve”, 1:0.
Goli i Danit e kishte vendosur sfidën e zhvilluar në “Estadio Benito Villamarin”.
Tani këto dy skuadra takohen sërish, tani për të fituar trofe evropian.
Formacionet zyrtare:
Formacioni i Real Betisit:
Adrian, Sabaly, Bartra, Natan, Rodriguez, Fornals, Isco, Cardoso, Antony, Bakambu, Ezzalzouli
Formacioni i Chelseat:
Jorgensen, Cucurella, Badiashile, Chalobah, Gusto, Caicedo, Fernandez, Pedro Neto, Palmer, Madueke, Jackson
