Bayer Leverkuseni të premten mbrëma ka pësuar disfatë të thellë në miqësore 5:1 nga skuadra U20 e Flamengos. Për teknikun holandez, Erik ten Hag, kjo ishte ndeshja e parë në krye të Leverkusenit.
Leverkuseni në pjesën e parë kryesisht u paraqit me disa futbollit të rinj. Ndërsa në pjesën e dytë, Ten Hag, i aktivizoi futbollistët me përvojë si Robert Andrich, Exequiel Palacios, Edmond Tapsoba, Nathan Tella e Patrik Schick. Në pjesën e dytë u aktivizua edhe Granit Xhaka.
Por kjo nuk solli ndonjë ndryshim të madh, përveç një goli të shënuar.
Ten Hag më 1 korrik u emërua trajner i Leverkusenit. Ai e zëvendëson Xabi Alonson që tashmë e ka marrë drejtimin e Real Madridit. Por aventura e tij nuk ka nisur në mënyrën më të mirë.
