Sulmuesi i Liverpoolit, Federico Chiesa, pritet të ftohet nga Përfaqësuesja e Italisë për dy ndeshjet e tetorit.
Chiesa nuk ka luajtur për Italinë që nga Kampionati Evropian i vitit të kaluar.
Kthimin e tij e ka paralajmëruar të martën “Gazzetta dello Sport”.
Selektori i Italisë, Gennaro Gattuso, së shpejti pritet ta publikojë listën e futbollistëve të ftuar.
Italia më 11 tetor luan në udhëtim tek Estonia, kurse më 14 tetor e pret Izraelin. Ndeshjet janë të vlefshme për kualifikimet e Kupës së Botës 2026.
Italia renditet në pozitën e dytë me nëntë pikë në Grupin I. Norvegjia i prin grupit me 15 pikë.
27-vjeçari Chiesa me Italinë ka shtatë gola të realizuar në 51 ndeshje.
Në gjashtë paraqitje për “të kuqtë” këtë edicion ka dy gola dhe dy asistime.