Barcelona ka arritur marrëveshje personale me futbollistin e Athletic Bilbaos, Nico Williams.
Por ende ka vështirësi për t’u kaluar, në mënyrë që futbollisti ta ketë mundësinë t’i bashkohet klubit nga Katalunja, ka shkruar “BBC” të enjten.
Reprezentuesi i Spanjës, i cili shënoi 31 gola në 167 paraqitje për Bilbaon, është kërkuar edhe nga Arsenali dhe Bayern Munichu.
Por, 22-vjeçari ka pranuar të nënshkruajë kontratë gjashtëvjeçare me Barcelonën, ku do të bashkohej me shokun e ngushtë, Lamine Yamalin.
Williamsi ka kërkuar ndihmë nga Yamali për të ndikuar në transferimin e tij.
Barcelona në verë synon ta transferojë edhe sulmuesin e Liverpoolit, Luis Diazin, por për kolumbianin kërkohen 80 milionë funte.
Williamsi ka klauzolë të lirimit prej 62 milionë eurove, të cilën Barcelona mund ta përballojë.
Williamsi në sezonin tashmë të përfunduar, i realizoi 11 gola në 41 paraqitje në të gjitha garat.
Ai me Spanjën vitin e kaluar e fitoi Kampionatin Evropian.
Ai e shënoi golin për 1:0, në fitoren 2:1 ndaj Anglisë në finalen që u zhvillua në Berlin.
