Skuadra e madhe zvicerane, Young Boys, ka njoftuar për largimin e përkohshëm të portierit Ardian Bajrami.
Bajrami, ka shkruar klubi helvetik, do të huazohet te skuadra norvegjeze Skeid Oslo, deri në fund të këtij viti.
Skeid Oslo është skuadër e kategorisë së dytë, ndërsa për portierin 21-vjeçar vlerësohet hap prapa.
Young Boysi përveç Bajramit ka larguar edhe disa futbollistë të tjerë, disa përfundimisht e disa në formë huazimi.
Kastriot Imeri u huazua te Thuni së fundmi.
Bajrami e nënshrkoi kontratën e tij të parë profesionale në verën e vitit të kaluar dhe që nga ajo kohë ka luajtur në 18 ndeshje me grupmoshën U21 të Young Boysit.