Kupa e Botës për Zvicrën e Granit Xhakës dhe Ardon Jasharit nis të shtunën mbrëma, nga ora 21:00, me ndeshjen ndaj Katarit. Zvicra synon paraqitje të mirë për ta nisur Botërorin me fitore ndaj nikoqirit të Botërorit të kaluar. Me fitore, Zvicra do të bënte hap të madh drejt kalimit të grupit.
Kjo ndeshje luhet në Kaliforni dhe i takon Grupit B ku janë edhe Kanadaja dhe Bosnjë-Hercegovina.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoZvicra është vlerësuar se e ka grupin më të lehtë të këtij Botërori.
“Helvetikët” janë favorit për ta fituar grupin, marrë për bazë paraqitjet që i kanë pasur së fundmi në ngjarje të mëdha. Në Evropianin 2024, Zvicra u mposht vetëm në penallti nga Anglia në çerekfinale. Në grupin kualifikues për Botëror ku ishte edhe Kosova, Zvicra ishte e para.
Shumë lojtarë janë me përvojë dhe luajnë bashkë për kohë të gjatë. Grupit i janë shtuar edhe lojtarë kualitativë si Johan Manzambi, Aurele Amenda e Luca Jaquez.
Gjatë përgatitjeve për Botëror, kapiteni Xhaka u ka bërë thirrjeve bashkëlojtarëve të zgjohen nga gjumi pas barazimit 1:1 me Australinë në miqësore. Dhe kjo është marrë seriozisht.
Denis Zakaria ka thënë se Zvicra duhet t’i qaset ndeshjes në mënyrën më të mirë të mundshme.
Për Katarin është paraqitja e dytë në skenën globale.