Në sportin ku mosha e re është gjë shumë e çmuar, Kupa e Botës që fillon të enjten jep prova se nuk mund të ndalet një sportist i përkushtuar.
Një rekord prej tetë lojtarësh që janë 40-vjeçar apo më shumë, janë përzgjedhur për të luajtur në Botërorin në SHBA, Kanada dhe Meksikë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoShifra është për një më shumë se në gjithë 22 turnetë e kaluar së bashku.
Pjesëmarrësit e mëparshëm në këtë kategori të rrallë përfshijnë gjashtë portierë dhe sulmuesin kamerunas, Roger Milla, i cili mbetet lojtari më i vjetër që shënoi në Botëror. Ai kishte realizuar në moshën 42-vjeçare në Botërorin 1994.
Arritja e Millas nuk do të tejkalohet këtë herë, por lojtarë si Cristiano Ronaldo, Luka Modriq dhe Edin Xheko do të kërkojnë t’i bashkohen atij në “klubin” e golashënuesve mbi 40-vjeç në Kupë të Botës.
Më i vjetri në Kupë të Botës do të jetë portieri 43-vjeçar i Skocisë, Craig Gordon. Nëse aktivizohet, Gordon do të jetë lojtari i dytë më vjetër në histori të Botërorit. Portieri Essam El Hadary i Egjiptit luajti në moshën 45-vjeçare në vitin 2018.
Prej lojtarëve të pozitave të tjera, Ronaldo është më i vjetri. 41-vjeçari merr pjesë në Botëror për herë të gjashtë. Për herë të gjashtë marrin pjesë edhe portieri 40-vjeçar i Meksikës, Guillermo Ochoa dhe Lionel Messi, që mbush 39 vjet më vonë këtë muaj.
Trajneri i Portugalisë, Roberto Martinez, ka theksuar se do të mbështetet në përvojën e Ronaldos.
“Ai sjell përvojë në momente vendimtare që askush tjetër në ekip nuk mund t’i afrohet”, ka theksuar Martinez.
Lojtarët e tjerë që kanë mbushur 40 vjet e që janë në Botëror janë portieri Vozinha i Kepit të Gjelbër dhe Manuel Neuer, që shpreson të jetë gati të ruajë portën e Gjermanisë kundër Kuraçaot të dielën në Houston.
Portieri i Uruguait, Fernando Muslera feston ditëlindjen e 40-të të martën e ardhshme, një ditë pas ndeshjes me Arabinë Saudite.
Vëmendja natyrisht do të jetë te Ronaldo e Messi, por edhe te Modriqi që e ka udhëhequr Kroacinë drejt sukseseve historike në dy Botërorët e kaluar.